Programa

Creado a partir da afamada novela homónima de Melville, e xogando coa figura do gran cachalote protagonista -un enorme monicreque de tres metros-, esta é a historia de Ismael, un mozo que decide embarcar nun baleeiro onde vai vivir una chea de perigosas aventuras.

Compañía gañadora do Premio Público Adulto 2024.
Faráselle entrega dun agasallo ao comezo da actuación.

Tres mulleres tocan e cantan o que lles peta, como fixeron súa nai e a nai de súa nai. Elas son fillas do vento, e viven en Momán, unha aldea onde todo é posible, modelos vencellados a expresións culturais tradicionais que agochan cantos de rebeldía e valorizan a muller nunha memoria e unha identidade colectiva. Espectáculo en lingua galega e en lingua de signos.

Compañía gañadora do Premio Público Infantil 2024.
Faráselle entrega dun agasallo ao comezo da actuación.

Obra seleccionada no Festival de Almagro 2024

Esmendrellante paseo pola época e a música barroca, para facer rir a todos os públicos, nun espectáculo cómico e visual: clown, música clásica, composicións propias e unha moi coidada posta en escena son fonte de diversión pura.

Coprodución co Centro Dramático Galego

Dúas actrices e dous actores, con discapacidade recoñecida, repasan diversas visións da diversidade funcional no teatro clásico, nunha adaptación de Filoctetes -traxedia de Sófocles- que presenta a idea da diferenza, da persoa discriminada que a sociedade non sabe ou non quere incluír. Un espectáculo único no teatro galego.

Premio María Casares ao Mellor espectáculo Infantil 2024.

Para celebrar o vixésimo aniversario, a compañía presenta o seu vixésimo quinto espectáculo: unha comedia sobre a importancia do comercio tradicional nun mundo globalizado e cada vez máis dixitalizado. Homenaxe a un concepto de comercio que fomenta a convivencia e crea comunidade.

Coprodución co Centro Dramático Galego

A derradeira banda de comedia da Idade Media vai presentar un espectáculo coma os que se representaban naquela época, pero, con tanta festa e tanta viaxe no tempo, esquece os diálogos. E non queda máis que a intuición e a música para guiar unha divertida función baseada na improvisación e o teatro cómico.